Kalon projektligji për përgjegjësitë e gjyqtarëve e prokurorëve

Me 73 vota për, Kuvendi ka miratuar në parim Projektligjin për përgjegjësitë disiplinore të gjyqtarëve dhe prokurorëve, e mbështetur edhe nga  opozita.

Ministrja e Drejtësisë Albulena Haxhiu, ka kërkuar miratimin e projektligjit duke thënë se është i rëndësisë së madhe.

“Njëra nga bazat e llogaridhënies është çështja e përgjegjësia disiplinore e gjyqtarëve dhe promurorëve. Ligji aktual ka qenë i shoqëruar me një lëshim dhe në praktikë ka pasur gabime të mëdha dhe ka qenë e pamundur të bëhet suspendimi ndaj gjyqtarëve dhe prokurorëve”.

Haxhiu tha se nesër përfundon drafti i parë i konceptit dokumentin për vettingun.

“Reforma më e madhe në sistemin e drejtësisë do të jetë vettingu, është një reformë e rëndësishme që bashkërisht duhet të flasim dhe mbështesim dhe nesër finalizohet drafti i parë i konceptit dokumentin për sistemin e vettingut”.

Adnan Rrustemi nga VV-ja tha se me këtë projektligj rritet llogaridhënia, duke konsistuar mbi përmirësimin e gabimit.

“Ky projektligj ka për qëllim evitimin e problemeve lidhur me suspendimin e gjyqtarëve dhe prokurorëve”.

Shefi i GP-së Abelard Tahiri, tha sa ishte ministër e kishte propozuar të njëjtin projektligj VV-ja atë kohë nuk e kishte përkrah, derisa është shprehur se i vjen mirë për iniciativën që po e merr qeveria.

“Sot kur po vjen koha me bë ndryshime, ndryshime të mëdha që tregojnë se ka filluar me u implimentuar mirw. Çështja e përgjegjësive disiplinore ka çaluar për një kohë të gjatë në Kosovë. Në kohën kur e kam propozuar unë VV-ja nuk i ka përkrah dhe sot po me vjen mirë”.

Driton Selmanaj nga LDK-ja tha se do ta mbështesin në parim këtë Ligj, raporton EO.

“Në parim i jep përkrahjen LDK-ja dhe është projektligji i dytë që sponsorohet nga Ministria e Drejtësisë por kjo praktikë e ndryshimeve të ligjeve me një fjali”.

Edhe nga AAK-ja Besnik Tahiri tha se e mbështesin këtë Ligj, pasuar që tha e forcon sundimin e ligjit në vend duke e rritur llogaridhënien dhe përgjegjësinë.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close