Shqipëria synon ringritjen e sistemit hekurudhor

ATSH/ Në mandatin e tretë Qeveria do të investojë për ringritjen e transportit hekurudhor.

Zëvendësministri i Infrastrukturës dhe Energjisë, Etjen Xhafaj bëri të ditur se 3 linja të reja hekurudhore priten të ndërtohen për tu lidhur me vende të Bashkimit Europian si dhe me Kosovën.

“Ajo ç’ka po përgatitet nga Ministria është ringritja e hekurudhave dhe zhvillimi më tej në dy segmentet e tjera Vorë- Rrogozhinë dhe Vorë –Hani Hotit. Projekti Rrogozhinë-Pogradec, si për lidhja me Greqinë por edhe me Maqedoninë e Veriut, ndërsa është në planet aktuale edhe lidhja hekurudhore me Kosovën”, u shpreh Xhafaj.

Xhafaj prezantoi sot përpara komisionit të Integrimit Europian risitë, qëllimet dhe objektivat e projektligjeve “Për krijimin e Autoritetit të Sigurisë Hekurudhore”, “Për krijimin e Autoritetit Rregullator Hekurudhor”, “Për ndarjen e shoqërisë “Hekurudha shqiptare” sh.a.”, “Për krijimin, organizimin dhe funksionimin e Autoritetit Kombëtar të Investigimit të aksidenteve dhe incidenteve hekurudhore dhe detare”.

Zëvendësministri Xhafaj sqaroi më tej se krijimi i organeve rregullatore hekurudhore do të bëjë të mundur rritjen e iniciativave të subjekteve private të vendit dhe të atyre huaja për të marrë pjesë me investime në këtë treg.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close