Zyrtarizohet Bordi i shkëmbimit arsimor SHBA-Kosovë

Nisma e Bordit të shkëmbimit arsimor SHBA-Kosovë (USKEB) përfaqëson një vazhdim të një partneriteti kuptimplotë dhe të qëndrueshëm që Kosova dhe Shtetet e Bashkuara kanë ndërtuar gjatë viteve.

Kështu u shpreh ministrja e Arsimit, Shkencës, Teknologjisë dhe Inovacionit, Arbërie Nagavci, në takimin ku u zyrtarizua ky Bord, ku mori pjesë edhe ambasadori i SHBA-së në Prishtinë, Philip Kosnett.

Në 10-vjetorin e Programit Fulbright në Kosovë, ministrja Nagavci theksoi mbështetjen e fortë për programin dhe përmendi kontributin e tij të paçmuar për Kosovën, së bashku me shumë programe tjera të financuara nga SHBA, në ngritjen e kapaciteteve përmes përfitimit të përvojave arsimore, jo vetëm akademike, por edhe shoqërore dhe kulturore.

Nagavci tha se një nga përparësitë e rëndësishme të Qeverisë në arsim është që të mbështesë kërkimin në shkencë dhe inovacion, andaj ajo theksoi se USKEB do të luajë rol jetësor në promovimin e njohurive, hulumtimeve dhe përvojave.

Ndërsa, Kosnett tha se ky është bordi i parë i shkëmbimit Fulbright në botë dhe një dëshmi e investimeve të Kosovës në Programin Fulbright, për të ndihmuar brezat e ardhshëm të studentëve kosovarë të përdorin ekspertizën teknike që ata fitojnë jashtë vendit për të përmirësuar ekonominë e Kosovës pasi të kthehen.

Ndryshe, USKEB u formua për të këshilluar dhe ndihmuar në caktimin e prioriteteve të burimeve dhe përcaktimin e përparësive për shkëmbim arsimor, përfshirë programin Fulbright për Kosovën, thuhet në komunikatë.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close