Këtë javë pritet të vijë një kontingjent i vaksinave Pfizer

Këtë javë pritet të vijë një kontingjent i vaksinave Pfizer, pas marrëveshjes që është nënshkruar në mes Kosovës dhe kësaj kompanie.

Marrëveshja në mes të Kosovës dhe kompanisë Pfizer është arritur në fund të muajit maj, ndërkaq më pas ministri i Shëndetësisë Arben Vitia kishte bëtë të ditur se Kosova pret që deri në fund të vitit të pranojë 1.213.290 doza të vaksinës nga kjo kompani.

Vitia po ashtu kishte thënë se plani i imunizimit në masë parasheh dhënien e një numri mes “300 mijë dhe 400 mijë vaksinave në muaj”.

“Kontingjenti i parë i vaksinave Pfizer nga marrëveshja e nënshkruar besojmë të arrijë gjatë javës”, thanë burime të Telegrafit.

Ndryshe, siç njofton Telegrafi kjo është kontrata e parë që Kosova ka arritur të nënshkruajë me ndonjë kompani farmaceutike për sigurimin e vaksinave kundër coronavirusit.

Deri më tani, Kosova ka përdorur vaksinat e dhuruara nga programi COVAX i Organizatës Botërore të Shëndetësisë dhe nga Bashkimi Evropian.

Aktualisht, në vend po vazhdon procesi i vaksinimit në masë, që ka filluar më 15 qershor, ndërsa prioritet kanë personat mbi moshën 65 vjeçare dhe ata me sëmundje kronike.

Qeveria e Kosovës ka thënë se synon që deri në fund të vitit, të vaksinojë 60 për qind të popullatës së saj.

Javët e fundit në vend ka pasur rënie të numrit të rasteve të reja me coronavirus, e po ashtu edhe i rasteve të vdekjes.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close