Shqipëria para dyjavëshit përvëlues

Vala e parë e të nxehtit afrikan do të përfshijë Shqipërinë që nga dita e mërkurë.

Temperaturat pritet të arrijnë deri në 41 gradë Celsius, kanë bërë të ditur meteorologët, përcjell Tch të hënën.

Si vlerë mesatare për qershorin në Shqipëri llogaritet 30 gradë Celsius, por kjo do të shënojë rritje deri në fund të qershorit dhe në ditët e para të korrikut.

Meteorologia Adiola Bani thotë se qytetet që do të ndiejnë më së shumti këtë ngritje të temperaturave do të jenë Kopliku, Kruja, Tirana, Elbasani, Berati, Gjirokastra dhe Tepelena.

“Vlerat tipike të muajit qershor janë 30 gradë Celsius dhe gjatë kësaj vale të të nxehtit afrikan ne do të përjetojmë temperatura 40 apo 41 gradë celsius që janë relativisht 10 apo 11 gradë më lartë se vlerat normale të muajit qershor. Por si pasojë edhe e qarkullimit të masave ajrore nga veriu i Afrikës dhe vijnë të pasura me lagështi nga Mesdheu do të bëjnë që temperaturat të ndihen edhe më të larta në vendin tonë. Kjo do bëjë që ajo vapa që do të jetë prezentë gjatë kësaj jave të jetë edhe disi mbytëse”, ka thënë Bani.

Gjatë orëve të mbrëmjes, sipas gazetave sot, në disa qytete temperatura do të luhatet mes 24 e 27 gradë Celsius.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close