Kancelarja Merkel merr vaksinën e Modernas, pas asaj të AstraZenecas

Kancelarja gjermane Angela Merkel, ka marrë vaksinën e kompanisë Moderna, si dozë të dytë kundër koronavirusit, ndonëse vaksina e parë ka qenë nga kompania AstraZeneca, ka thënë një zëdhënës i Qeverisë gjermane.

Liderja 66-vjeçare është vaksinuar disa ditë më parë, pasi ka marrë një dozë të vaksinës së AstraZenecas në muajin prill.

Ekspertët besojnë se përzierja e vaksinave kundër koronavirusit mund të jetë ide e mirë, mirëpo megjithatë kanë thënë se është shumë herët për të nxjerrë përfundime.

Merkel do të largohet nga pozita e kancelares gjermane pas 16 vjetëve në pushtet.

Në muajin mars, Gjermania, bashkë me shtete tjera evropiane, patën ndaluar dhënien e vaksinave të kompanisë AstraZeneca, pasi ishte raportuar për një numër rastesh me mpiksje gjaku, pas marrjes së kësaj vaksine.

Gjermania më parë po ashtu ka kufizuar përdorimin e kësaj vaksine për moshat mbi 60 vjeç, mirëpo tani e ofron atë për të gjithë të rinjtë.

Më shumë se gjysma e popullsisë gjermane tani ka marrë dozën e parë të ndonjë vaksine kundër koronavirusit, të miratuar në Gjermani.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close