Pfizer: Dorëzimi i vaksinave të para në Kosovë fillon në fund të qershorit

Kompania e Pfizer e cila ka lidhur kontratë me Qeverinë e Kosovës lidhur me furnizimin e vaksinave kundër COVID-19 ka thënë se dorëzimi i tyre do të fillojë në fund të muajit qershor.

Këtë e ka bërë të ditur për Telegrafin vet kompania, duke shtuar se dorëzimi i vaksinave te Qeveria e Kosovës do të vazhdoj për gjatë tërë vitin 2021.

“Pfizer dhe BioNTech ndihen të privilegjuara që furnizojnë Qeverinë e Kosovës me doza të vaksinës BNT162b2 COVID-19 mRNA. Dorëzimi i tyre do të fillojë në fund të muajit qershor dhe do të vazhdojë për gjatë gjithë vitit 2021, në përputhje me kushtet e marrëveshjes së furnizimit. Detajet specifike në marrëveshje, përfshirë oraret e dorëzimit vazhdojnë të mbeten konfidenciale”, thuhet në përgjigjen e kompanisë për Telegrafin.

Kujtojmë se në fund të muajit maj, gjiganti farmaceutik kaishte konfirmuar marrëveshjen e arritur me Qeverinë e Kosovës për furnizim me vaksina kundër COVID-19.

Ndërsa, më 28 maj, ministri i Shëndetësisë, Arben Vitia ishte shprehur se Kosova pret që deri në fund të vitit të pranojë 1 milion e 213 mijë e 290 doza të vaksinës të kësaj kompanie.

Kosova javë më parë ka pranuar një kontingjent prej mbi 100 mijë vaksinash të kompanisë Pfizer nga COVAX-i.

Prej fillimit të vaksinimit në të gjitha qytetet e Kosovës janë dhënë 160,410 doza të vaksinës. Kurse, deri më sot 32,975 qytetarë janë vaksinuar me dozën e dytë. /Telegrafi/

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close