PDK i kërkon presidentes të emërojë anëtarin e dytë të tyre në KQZ

Deputetja e Partisë Demokratike të Kosovës (PDK), Blerta Deliu Kodra ka kërkuar nga presidentja Vjosa Osmani të emërojë anëtarin e dytë të PDK-së në Komisionin Qendror Zgjedhor (KQZ), pas vendimit të Gjykatës Kushtetuese.

Në seancën plenare të Kuvendit, Deliu tha se e para e vendit nuk duhet t’i shërbejë Lëvizjes Vetëvendosje dhe se çfarëdo vendimi tjetër, jashtë emërimit të anëtarit të dytë të PDK-së në KQZ, është sulm mbi të drejtën kushtetuese të vendit.

“I bëj thirrje presidentes Vjosa Osmani që të emëroj përfaqësuesin e dytë të PDK-së në KQZ. Presidentja e Kosovës dhe kryeministri duhet t’i japin fund tendencës për të kontrolluar përbërjen e KQZ-së. Kushtetuta është e qartë, PDK-së i takon përfaqësuesi i dytë në KQZ, presidentja duhet të emërojë anëtarin e dytë të PDK-së në këtë institucion dhe të ndërpresë orvatjen e LVV-së që të krijojë shumicë dërrmuese në këtë institucion. KQZ nuk është institucion që vendimmarrjen ta dominojë një parti politike, përkundrazi anëtarët e KQZ-së emërohen që të kujdesen për zbatimin e Ligjit të Zgjedhjeve”, tha ajo.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close