SHBA-ja dhe Rusia do të diskutojnë për sigurinë kibernetike

Zyrtarët amerikanë do të presin javën e ardhshme homologët e tyre rusë, për të diskutuar çështje të sigurisë kibernetike.

Presidenti Joe Biden do të mbledhë sot zyrtarë të sigurisë për të diskutuar po këtë temë, njoftoi sekretarja për media e Shtëpisë së Bardhë, Jen Psaki.

Qindra kompani amerikane janë prekur nga një sulm kibernetik, që është kryer më 2 korrik, kundër kompanisë së teknologjisë Kaseya, me seli në Floridë.

Kryesit e sulmit, që dyshohet se janë rusë, janë duke kërkuar 70 milionë dollarë për të zhbllokuar të dhënat e kompanive.

Psaki tha se kompanitë nuk duhet të paguajnë shumën e kërkuar, pasi një gjë e tillë vetëm se do t’i inkurajojë kriminelët kibernetikë të vazhdojnë veprimet e tyre.

Rasti Kaseya është sulmi i tretë i madh kibernetik, i kryer në muajt e fundit, nga kriminelë që besohet se vijnë nga Rusia.

Në maj, hakerët kanë sulmuar operatorin më të madh të tubacionit të karburanteve në SHBA, Colonial Pipeline.

Në qershor, shënjestër e sulmit kibernetik ka qenë kompania më e madhe në botë për përpunimin e mishit, JBS.

Biden ka biseduar me homologun rus, Vladimir Putin, për sigurinë kibernetike, gjatë takimit të tyre në Gjenevë, muajin e kaluar.

Biden ka thënë se Kremlini duhet t’i ndjekë kriminelët kibernetikë brenda Rusisë.

Shumë analistë thonë se Kremlini mbyll sytë ndaj sulmeve kibernetike të hakerëve rusë, për aq kohë sa nuk i sulmojnë kompanitë vendase.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close