​Gjenerali Clark: Kosova është histori suksesi për SHBA

Në shoqërimin e ministrit të Mbrojtjes Armend Mehaj dhe ministres së Ekonomisë Artane Rizvanolli, kryeministri i Kosovës Albin Kurti, priti sot në takim ish-komandantin suprem të forcave aleate të NATO-s në Evropë gjatë viteve 1997-2000, gjeneralin Wesley Clark.

Me këtë rast u tha se intervenimi i NATO-s në Kosovë përbën një moment kthese në historinë e vendit dhe popullit tonë.

Kurti e falënderoi gjeneralin Clark për udhëheqjen e tij në intervenimin vendimtar të NATO-s, kundër Jugosllavisë së Milosheviqit në pranverën e vitit 1999, për funksionin dhe kontributin e pazëvendësueshëm të SHBA-së dhe ritheksoi vendosmërinë e Kosovës për të qenë anëtare e NATO-s.

Ndërsa, gjenerali Clark shprehu mbështetje për synimet e qeverisë për zhvillim ekonomik dhe prosperitet mbarëshoqëror.

Shteti i Kosovës është miku më i madh i SHBA-së në Evropë, tha Clark, teksa rikujtoi herën kur presidenti Bill Clinton, pas vizitës së tij të fundit në Kosovë, i kishte thënë se Kosova është gjëja më e mirë që e ka bërë gjatë presidencës së tij tetë vjeçare. Më tej, ai tha se Kosova është histori suksesi për SHBA si asnjë tjetër.

 

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close