MPB e Serbisë fton në bisedë informative nënkryetarin e Bujanocit,Musliun

Nënkryetari i komunës së Bujanocit, Shqiprim Musliu është ftuar në Policinë e Bujanocit me ftesën e Ministrisë së Punëve të Brendshme të Serbisë.

Kjo, pasi ai largoi në fshatin Konçul të Bujanocit flamurin serb që ishte vendosur nga dikush në mënyrë ilegale tek varri i heroit Fatmir Ibishi duke e rikthyer aty flamurin kombëtar shqiptar.

Ky është postimi i plotë ku Musliu njofton për ftesën që i është bërë: 

Të nderuar qytetarë të Bujanocit

Më lejoni t’iu njoftoj se sot kam marrë një ftesë nga Ministria e Punëve të Brendshme e Serbisë, që të paraqitem më datën 12 korrik 2021 në organet e policisë në Bujanoc.

Kjo ftesë ndërlidhet me provokimin që na është bërë në Konçul të Bujanocit, ku tek varri i dëshmorit të kombit Fatmir Ibishi, ishte vendosur një flamur i Serbisë dhe ishte hequr flamuri kombëtar.

Unë, si nënkryetar i komunës, do të paraqitem sipas ftesës zyrtare në institucionin ku më është bërë thirrja dhe do të ripërsëris qëndrimin tim lidhur me këtë ngjarje.

Përsëris se vendosja e flamurit të Serbisë në atë lokacion paraqet një provokim për komunitetin dhe reagimi im ka qenë konform menaxhimit sa më të mirë dhe në qetësi të kësaj situate.

Simbolet kombëtare janë të shenjta dhe duke respektuar këto simbole ne forcojmë themelet dhe vlerat sublime të demokracisë.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close