Protesta të rralla kundër Qeverisë në Kubë

Mijëra njerëz protestuan kundër Qeverisë komuniste të Kubës në kryeqytetin Havana dhe disa qytete të tjera.

Protestat ishin më të mëdhatë në ishull në gati 30 vjet.

Marshuesit bënë thirrje për liri dhe demokraci, si dhe kërkuan vaksina për të luftuar pandeminë e koronavirusit.

Protestat, të cilat janë të rralla në Kubë, vijnë në kohën kur ky vend po raporton shifra rekorde të të infektuarve me koronavirus.

Të dielën, autoritetet shëndetësore atje regjistruan afro 7,000 raste të reja dhe 47 viktima.

Presidenti i Kubës, Miguel Diaz-Canel, u bëri thirrje mbështetësve të tij që “t’i luftojnë” protestuesit në Havana.

“Ne u bëjmë thirrje të gjithë revolucionarëve të vendit, të gjithë komunistëve, të dalin në rrugët ku ndodhin këto provokime… dhe t’u kundërvihen atyre në mënyrë të vendosur dhe të guximshme”, tha presidenti.

Këshilltari për siguri kombëtare i SHBA-së, Jake Sullivan, paralajmëroi Kubën kundër sulmeve ndaj protestuesve.

“SHBA-ja mbështet lirinë e shprehjes dhe tubimit në të gjithë Kubën dhe do të dënojë fuqishëm çdo dhunë ose shënjestrim të protestuesve paqësorë, që ushtrojnë të drejtat e tyre universale”, shkroi Sullivan në Twitter.

Uashingtoni, me dekada, kundërshton Qeverinë komuniste në Kubë dhe ka vendosur sanksione të rënda mbi ekonominë e saj.

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close