“Hidrodrini”: Rezultatet e analizave kanë dalë në kufijtë e së lejueshmes

Kompania Rajonale Ujësjellësi “Hidrodrini” ka reaguar ndaj rastit të Deçanit, ku dyshohet se qindra banorë të disa fshatrave aty u helmuan nga uji i pijshëm që rrjedh nga kjo kompani.

Nga kompania kanë thënë se analizat fiziko-kimike dhe ato bakterologjike të bëra nga Instituti Kombëtar i Shëndetësië Publike të Kosovës (IKShPK) rezultojnë në kufijtë e së lejueshmes në bazë të standardeve të Bashkimit Evropian.

KRU “Hidrodrini” kërkon që mostrat e ujit për analizë të merren edhe nga pusetët (bunarët) që banorët posedojnë në ato zonë.

Kjo është komunikata e plotë e KRU “Hidrodrini”

Rasti Deçani

Komunikatë për Media KRU

Me të cilën KRU ‘Hidrodrini’ konfirmon se i janë komunikuar nga ana e IKSHPK-së, respektivisht IRSHP-së, analizat e nxjerra nga mostrat e marra të ujit që nga data 11 Korrik 2021 (e Diel), në lokalitetet ku është dyshuar se ka pasur helmim nga uji, në fshatrat e komunës së Deçanit, Prejlep, Rastavicë, Irzniq, Gllogjan, Shaptej, Gramaqel, Baballoq, Ratishë dhe Jasiq i ri.

Të gjitha mostrat e analizave në fjalë siç janë publikuar edhe në media nga ana e vet IKSHPK-së, rezultojnë se analizat fiziko-kimike si dhe ato bakterologjike kanë dalur në kufijtë e së lejueshmes në bazë të standardeve të Bashkimit Europian.

KRU ‘Hidrodrini’ vazhdimisht pret analiza edhe më të thella profesionale nga palët e thirrura respektive të profesionistëve shëndetësorë si brenda edhe jashtë vendit.

KRU ‘Hidrodrini’ kërkon dhe inkurajon palët që mostra të ujit për analizë të merren edhe nga puset (bunarët) që banorët posedojnë në atë zonë, posedojnë në familjet e tyre dhe nga të njejtat poashtu shërbehen. Kjo për të parë mundësinë e dilemës eventuale.

Njoftojmë se mostra të tjera në vazhdimësi janë marrë dhe po përpunohen edhe nga mekanizma të tjerë profesional. KRU ‘Hidrodrini’ mbështet të gjithë mekanizmat përkatës institucional të involvuar në rastin Deçani, brenda autoritetit dhe kompetencave që ka, për ti dhënë zbardhje dhe orjentim të saktë rastin shqetësues në fjalë.

KRU ‘Hidrodrini’, të gjithë të prekurve nga shqetësimet shëndetësore, u uron shërim të shpejt dhe kthim të shëndetit të plotë.

KRU ‘Hidrodrini’, për shkaqe prevenuese, nga konsumatorët e fshatrave të sipërshënuar të komunës së Deçanit, sërish kërkon që ujin ta përdorin vetëm për sanitari dhe higjienë, meqë mbetemi në pritje të udhëzimeve të reja nga mekanizmat përkatës profesional.

Me respekt;

Zyra për Media e KRU ‘Hidrodrini’ – Pejë

Comments are closed.

%d bloggers like this:

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close